Lalín é terra de artistas e de amantes da arte, e iso nótase nas rúas. Unha boa forma de percorrer a vila é descubrindo as súas esculturas. Algunhas téñense convertido en símbolos do concello, coma a adicada ó aviador Loriga, ou a estatua do porco.
Unhas monumentais, outras discretas, unhas figurativas, outras abstractas. Todas teñen unha historia detrás, anímate a descubrila!
Sen título (Figuras Humanas) Composición formada por varias figuras de formigón, obra de Carlos Rial.
Sen título Obra en granito de José Puchaes.
Sen título Obra en granito do artista lalinense Willy.
Sen título Obra en aceiro e pedra de Xosé Couto Codeseira.
Quiosco e Mesa Familiar Obra en granito de César Portela.
Peregrino II Obra en aceiro corten de Manuel García Guerra
Peregrino I Obra de Manuel García Guerra feita en aceiro corten.
Pelexa de Cabalos Obra en bronce de Juan José Oliveira.
Oratorio, Pavillón da Auga e Mesa Parroquial Obras de César y Sergio Portela en granito e bronce.
Ó Neno Labrego Obra de Francisco Castro en granito. Representa a Balbino, protagonista da novela "Memorias dun neno labrego" escrita por Xosé Neira Vilas.
O Neno Obra en granito e bonce de Manuel García Vázquez, máis coñecido como Buciños.
Ó Emigrante Monolito de granito que contén un baixorrelevo de bronce cunha escena típica da emigración. Obra de José Mª Acuña.
Monumento ó Porco Escultura en bronce, obra de Manolo Rial.
Monumento Conmemorativo Irmanamento Lalín-Escaldes Obra en granito rosa de Sergi Mas.
Monumento a Ramón María Aller Ulloa Estatua, obra de Francisco Asorey, coa que se homenaxeou a Ramón Mª Aller no ano 1960 ao tempo que se nomeaba fillo ilustre de Lalín.
Monumento a Joaquín Loriga Escultura en granito con bronce obra de Francisco Asorey.
Monólito homenaxe a Rosalía de Castro Conmemoración do Día das Letras Galegas.
Monólito homenaxe a Raúl Alfonsín Monólito conmemorativo da estadía en Lalín do presidente da República Arxentina D. Raúl Alfonsín.
Leiteira Figura de granito que representa a unha muller rural galega, levando na cabeza un balde de leite.
A Danza dos Amantes Obra de Javier Iván Hita en granito, Top Coat e cobre.
Homenaxe ó Labrego Obra de José Mª Acuña en bronce.
Homenaxe a Xosé Cuíña Estatua obra de Buciños en bronce e granito.
Homenaxe a Willy Versión en bronce dunha obra anterior de Willy feita en madeira. Con ela homenaxeouse ao autor no primeiro aniversario do seu pasamento.
Escudo de Lalín Con oito metros de altura representa o escudo de Lalín fetito en granito e bronce
Cartografía da Pedra Obra de Javier Iván Hita, componse de dez esculturas feitas en bolos.
Busto de Vidal Payo Obra de O Vila, foi inaugurado, para recordar a Vidal Payo, no primeiro aniversario do seu pasamento.
Busto do Matemático Rodríguez Obra en granito de Félix Gil, representa a Pedro José Rodríguez, tamén coñecido como o Matemático Rodríguez.
Busto de Varela Buxán Obra en granito de Félix Gil.
Busto de Joaquín Loriga e Percorrido do Raid Aéreo Madrid - Manila Obra en granito de Félix Gil, representa ao gran aviador nado no Pazo de Liñares en Prado.
Alma de Vento Obra en granito de José Rocha Pino
Á Nai Obra en granito de Vidal Payo
A Laxeiro Obra en pedra de O Vila, representa ao xenial artista José Otero Abeledo coñecido como Laxeiro
A Familia Obra en bronce e granito de Buciños
Á Deusa Deza Obra en bronce e granito de Acisclo Manzano
