O CONCELLO DE LALÍN REPARTE 70 MIL EUROS EN AXUDAS MUNICIPAIS ENTRE 25 CLUBS DEPORTIVOS

O Concello de Lalín vén de aprobar a adxudicación definitiva de subvencións municipais destinadas ao desenvolvemento e realización de actividades deportivas para a tempada 2018/2019. En total destináronse a esta orde de axudas 70.000 euros, a mesma cantidade que nos últimos dous anos. Finalmente resultaron beneficiados 16 clubs deportivos do municipio, todos os que solicitaron a prestación nos prazos e na forma establecida no regulamento das subvencións.

Tal e como sinala o concelleiro de Deporte, Santiago Castro, as axudas deportivas municipais deste ano teñen carácter continuista con respecto aos exercicios anteriores, mantendo os 70 mil euros de asignación económica e a firme aposta polo deporte base, de tal xeito que, por terceiro ano consecutivo se abriron dúas liñas de axuda: unha dotada con 50.000 euros para entidades que fomenten o deporte base e a integración social e outra dotada con 20.000 para outros clubs e actividades deportivas.

“O Goberno mantén a filosofía de dar prioridade a aqueles clubs que fomentan e que manteñen unha estrutura de deporte base”. “Tamén se teñen moi en conta aquelas entidades con sección feminina e as que mostran un destacado proxecto social e deportivo”, explica Castro. O Goberno municipal é consciente da importancia do deporte como garante de saúde, calidade de vida e desenvolvemento social, así como do ligada que está a actividade deportiva aos clubs do concello. Neste senso, o executivo aposta polo deporte como unha clara prioridade, procurando a mellora da oferta deportiva en instalacións, formacións e acceso a actividade saudable, apostando, ademais, pola organización de eventos deportivos de referencia no municipio que contribúen á atracción de visitantes e á dinamización socioeconómica de Lalín.

A asignación definitiva das axudas quedou aprobada do seguinte xeito:

Axudas a clubs e actividades deportivas:

Axudas a deporte base: