Doutorouse en Filosofía Moral pola Universitat Pompeu Fabra (2016) e foi investigadora postdoctoral da Fundación Portuguesa para a Ciencia e a Tecnoloxía, no Centro de Ética, Política e Sociedade da Universidade do Minho (Portugal) (2016-2022), onde coordinou o Grupo de Investigación en Ética Aplicada (2018-2022).
Traballa en ética normativa e aplicada, en particular, en como se relacionan coa consideración moral dos animais non humanos.
Actualmente, interésalle o impacto das nosas decisións nos individuos futuros, humanos e non humanos, biolóxicos ou artificiais, especialmente no que se refire aos riscos de sufrimento astronómico.
Tamén lle interesan os enfoques analíticos ao mal da discriminación, así como outras cuestións éticas relacionadas co xénero, a sexualidade e a intelixencia artificial.
Ten un rexistro de máis de 40 publicacións, divididas en 28 artigos en revistas científicas, entre elas, The Journal of Medical Ethics, American Behavioral Scientist e Animal Sentience; 9 capítulos de libro, en editoriais nacionais e internacionais de referencia como Routlege; 3 co-edicións de números especiais de revista e 2 informes técnico-científicos.
A principios do 2023, publicou o seu primeiro libro en Cambridge University Press.
Fóronlle concedidas, en concurso competitivo da Fundación Portuguesa para a Ciencia e a Tecnoloxía, unha bolsa predoutoral (2011-2016) e unha bolsa postdoctoral (2016-2022).
Así mesmo, recibiu unha bolsa da Central European University e a Society for Applied Philosophy para cursar unha Summer School naquela universidade, en Budapest, Hungría.
Participou en diferentes congresos e impartido conferencias en distintas universidades de Alemaña, Bélxica, España, Irlanda, México, Reino Unido, República Checa e Portugal.
Foi membro da comisión organizadora e/ou científica de numerosos eventos académicos e participou en 6 proxectos de investigación en España, Portugal e México, 3 dos cales en curso.
É membro do consello editorial das revistas Ethics, Politics and Society, Animal Ethics Review, Diversitates e revisora asidua para moitas outras. Impartiu docencia en ética aplicada, desde a ética animal e a ética ambiental, até a ética da intelixencia artificial e a toma de decisións algorítmicas.
Colaborou asiduamente, como profesora convidada, entre outros, no M.A. in International Studies on Media, Power and Difference, da Universitat Pompeu Fabra e na materia de Fairness, Accountability, Transparency and Ethics in Data Processing (FATE), da mesma universidade. Ten un máster en Ciencias Cognitivas e Linguaxe pola Universitat de Barcelona e unha licenciatura en Filosofía pola Universidade do Porto.
Foi investigadora visitante, entre outros, no Uehiro Centre for Practical Ethics, da Universidade de Oxford.
Escribe regularmente artigos de divulgación para diferentes xornais e revistas nacionais.
No pasado, escribiu varios artigos para o blog Practical Ethics in the News, da Universidade de Oxford.
É membro fundadora e do consello científico do UPF-Centre for Animal Ethics.
