Directora do Departamento de Dereito Internacional público, Penal e Procesal da Universidade de Cádiz
Profesora e Doutora en Dereito pola Universidade de Cádiz desde 1997 e Catedrática de Dereito penal desde 2010.
No ámbito da docencia, impartiu clases tanto en Grao como en Master e Doutorado en distintas titulacións na Universidade de Cádiz. Desta faceta da súa carreira universitaria destácase a súa participación no Master de Xénero, Identidades e Cidadanía das Universidades de Cádiz e Huelva desde a súa posta en marcha fai mais de 20 anos, na que é coordinadora do Módulo de Políticas de Igualdade, ademais de ser a profesora da asignatura “Xénero, Violencias e Dereito penal”.
No ámbito da xestión universitaria, ao longo da súa carreira desempeñou cargos como o de Secretaria da Facultade, Directora de Departamento, Defensora Universitaria e Delegada do Reitor para implementar políticas de igualdade e de inclusión. Actualmente é a Directora do Departamento de Dereito Internacional Público, Penal e Procesal.
Como liñas de investigación principais, adicouse ao estudo de cuestións de parte xeral como os delictos de mera actividade, as penas e as medidas de seguridade e de pare especial, como os delictos medioambientais, o tráfico de drogas e a corrupción. Neste ámbito es recoñecida especialmente polos seus estudos en materia de violencia doméstica e de violencia de xénero, liña de investigación que cultivou con maior intensidade, como reflexan as súas tres monografías ao respecto. La última delas é de 2019 e leva por título “Violencia sexual de xénero contra as mulleres adultas”, publicadas pola Editorial Reus.
Dende o punto de vista da xestión da investigación, foi investigadora principal de distintos proxectos, entre os que destaca o recentemente finalizado sobre “Análisis jurídico penal y criminológico del acoso laboral generado en la Universidad: los programas de compliance como mecanismo preventivo de la Junta de Andalucía (Ayudas a proyectos I+D+I en el marco del programa operativo FEDER Andalucía 2014-2020)”.
No ámbito internacional, é directora do Master de Xénero e dereitos das mulleres en Chile (FUCID-UCA) e consultora internacional de Estados Unidos a través da Embaixada de Honduras.
Así mesmo, impartiu conferencias en países como Italia, Portugal, Colombia, Brasil, Arxentina, Uruguai, Cuba, Guatemala, O Salvador, México… E realizou estancias de investigación en Alemaña no Instituto de Criminoloxía e Dereito penal de Friburgo, en Italia nas Universidades de Módena e Bocconi de Milán, así como en Reino Unido na Universidad de Leicester.
