Sede Electrónica Concello de Lalín
Plan de Acción para o Comercio e a Hostalería
Percorridos Virtuais
O Castro Tecnolóxico
Turismo de Lalín

Descubre a súa vida interior

VER MÁIS

Lalín en Imaxes

Unha vila aberta para disfrutar

VER MÁIS

Radio Lalín

Escóitanos no 106.8 FM

ESCOITAR RADIO LALIN

Corporación

Urbanismo

A Oficina de Urbanismo está ubicada na pranta primeira do Concello de Lalín. Praza de Galicia, 1. Lalín.

O seu horario de atención ao público é de luns a vernes, de 8:00 a 15:00 horas. Teléfono: 986787060, Oficina de Urbanismo.

Noticias

O PROXECTO DE REHABILITACIÓN DE LALÍN DE ARRIBA RECIBE A AUTORIZACIÓN DA DIRECCIÓN XERAL DE PATRIMONIO

De acordo cos requirimentos recollidos nese permiso, o Concello xa iniciou o proceso para contratación do preceptivo estudo de intervención arqueolóxica Nicolás González Casares anuncia que, unha vez se resolvan todos os trámites, as actuacións sacaranse a concurso por un importe de máis de 280 mil euros. O tenente de alcalde indica que os avances nesta iniciativa, xunto con outras que xa están en proceso de licitación ou adxudicadas, demostran o bo ritmo de execución dos proxectos incluídos na estratexia DUSI Lalín Ssuma 21. A rehabilitación de Lalín de Arriba incluirá a humanización das rúas mediante unha solución que evocará unha calzada, o soterramento do tendido eléctrico e melloras nos suministros e abastecementos. Ler máis

O CONCELLO DE LALÍN COMPRA A PARCELA ANEXA AO AUDITORIO DE VILATUXE POR 25 MIL EUROS PARA DOTAR Á PARROQUIA DUNHA NOVA ZONA DE SERVIZOS PÚBLICOS

Con esta operación, asinada esta mañá ante notario, o Goberno cumpre o compromiso adquirido coa veciñanza hai un ano. O espazo, dun 2.500 metros cadrados, empregarase para a instalación dun novo edificio veciñal que, ao mesmo tempo, permita ampliara dotación do Auditorio. A proposta de reordenación de espazos contempla ademais unha zona verde e de lecer, unha de estacionamento e unha senda peonil para mellorar a seguridade viaria. A redacción do proxecto para a súa execución estará concluído antes que remate este mandato. Ler máis

O CONCELLO APROBA A URBANIZACIÓN DO TREITO DA ROLDA LESTE COMPRENDIDO ENTRE A GLORIETA DE RODEIRO E A RÚA GARDA CIVIL

Trátase dun proxecto presentado por un particular para poder obter unha licencia permitirá dotar de beirarrúas e servizos públicos urbanos este zona actualmente sen urbanizar. González Casares sinala que dende o Concello se van estudar as diferentes posibilidades existentes para executar este proxecto e se vai valorar se é o Concello sexa quen debe proceder a realizar as obras. Dende a concellería de Urbanismo fixéronse as xestións necesarias para que no proxecto presentado polos promotores se tivese en conta o plan de rehabilitación da zona histórica de Lalín de Arriba, que contacta con esta zona. Ler máis

O CONCELLO MELLORA A SEGURIDADE VIARIA NA RÚA PENATOARES COA INSTALACIÓN DUNHA VARANDA DE SEGURIDADE PARA A PROTECCIÓN DO PEÓN

González Casares supervisou esta mañá a actuación, que obrigará aos viandantes a cruzar obrigatoriamente polo paso de peóns. O tenente de alcalde lembra que se trata dunha iniciativa que solicitou a ANPA do Sagrado Corazón. Ler máis

O CONCELLO DE LALÍN INICIA AS OBRAS DE ARRANXO INTEGRAL DA RÚA VIDAL ABASCAL

As actuacións estarán finalizadas antes de finalizar o mes de xaneiro. Francisco Vilariño sinalou que este proxecto corrixirá os defectos da rúa e mellorará substancialmente as condicións dunha vía que non presentaba a nivel xeral un bo estado de conservación e que agora se vai recuperar. A actuación enmárcase nos múltiples proxectos de rehabilitación programados para distintas vías urbanas por parte do Concello de Lalín. Ler máis

O CONCELLO DE LALÍN PRESÉNTALLE A VECIÑANZA O ANTEPROXECTO PARA A CONSTRUCIÓN DE SENDAS PEONÍS DE CONTINUIDADE URABANA NA CARBALLEIRA DO RODO E EN GARCÍA SÁNCHEZ

A pasarela que comunicará estas zonas terá uns 340 metros de longo e constará dunha senda peonil que irá acompañada de elementos de seguridade con especial atención ao entronque coa Rolda Leste. Na reunión desta tarde falouse sobre a posible necesidade de facer que a rúa paralela á carballeira sexa de dirección única. Ler máis

O CONCELLO RECIBE A URBANIZACIÓN DA AR-MP12 PROMOVIDA POLA FIRMA PORTAS Y ACUÑA

O proxecto de urbanización da ARMP-12 afectou a unha área de 38.892 metros cadrados e nos que se acometeu a reurbanización completa dunha franxa de viario público lindeiro coa zona de Porto do Alle, de 729 metros cadrados. Coa recepción das obras, consolídase a situación da fábrica nesta localización e dótase esa zona da parroquia de Filgueira dos servizos adecuados. Ler máis

O CONCELLO DE LALÍN FINALIZA AS OBRAS DE MELLORA INTEGRAL DA RÚA PINTOR COLMEIRO

Francisco Vilariño mostrou a súa satisfacción “por unhas obras que permitiron corrixir os múltiples defectos da rúa e mellorar substancialmente as condicións dunha vía recuperada para incrementar a calidade de vida dos veciños e veciñas”. Este proxecto, xunto co que se vai executar en Alcalde Ferreiro, suporá un antes e un despois no estado dunha zona céntrica e das máis importantes do casco urbano. Ler máis

O CONCELLO DE LALÍN INICIARÁ AS OBRAS DE HUMANIZACIÓN DA RÚA WENCESLAO CALVO GARRA XUSTO DESPOIS DAS FESTAS DE NADAL

Francisco Vilariño explicou ademais que se están acompasando os trámites administrativos para que as actuacións se executen na época máis propicia e teñan a menor incidencia posible para o comercio e a hostalería A proposta mellor valorada é a da empresa Construcciones Orega, por un total de preto de 173 mil euros. A rúa transformarase nunha plataforma única con beirarrúas máis anchas e un deseño que aposta por facer o espazo urbano máis acolledor. O proxecto tamén inclúe importantes melloras en materia de seguridade viaria e servizos públicos urbanos. O concelleiro explicou que a obra resume a filosofía do Goberno “con respecto ao que ten que ser o hábitat dunha vila na que os cidadáns teñen que ser os protagonistas e non os coches”. Ler máis

O CONCELLO SACA A CONCURSO A REDACCIÓN DO PROXECTO PARA A EXECUCIÓN E DEFINICIÓN DO CINTO VERDE DE LALÍN

Definirá as actuacións necesarias para crear o Cinto Verde baseándose nun anteproxecto previo xa realizado polo Concello de Lalín, que inclúe actuacións en 9 puntos urbanos e periurbanos. González Casares lembrou que a iniciativa actuará sobre camiños xa existentes e espazos xa interrelacionados, sen ampliacións e con traballos imprescindibles sobre o terreo para garantir a mobilidade peonil de quen circule por estes trazados. O obxectivo do Cinto Verde é o de mellorar as conexións periurbanas e urbanas tendo como eixo central o Pontiñas, así como facilitar a mobilidade sostible e saudable. Ler máis