Sede Electrónica Concello de Lalín
Plan de Acción para o Comercio e a Hostalería
Percorridos Virtuais
O Castro Tecnolóxico
Turismo de Lalín

Descubre a súa vida interior

VER MÁIS

Lalín en Imaxes

Unha vila aberta para disfrutar

VER MÁIS

Radio Lalín

Escóitanos no 106.8 FM

ESCOITAR RADIO LALIN

Corporación

Urbanismo

A Oficina de Urbanismo está ubicada na pranta primeira do Concello de Lalín. Praza de Galicia, 1. Lalín.

O seu horario de atención ao público é de luns a vernes, de 8:00 a 15:00 horas. Teléfono: 986787060, Oficina de Urbanismo.

Noticias

O CONCELLO ACOMETERÁ UN NOVO PROGRAMA DE MELLORAS EN ENTORNOS SERVIZOS E INFRAESTRUTURAS DE NÚCLEOS DA SERRA DO CANDÁN CON CARGO AO FONDO DE COMPENSACIÓN AMBIENTAL

Trátase dun novo proxecto que se levará a cabo no marco do denominado “Plan Candán”, destinándose nesta fase un total de 102.006,59 euros. Servirá para acondicionar camiños, mellorar a seguridade viaria nalgúns puntos, acometer drenaxes e mellorar sumidoiros, cubrir de xeito estético colectores do lixo e incluso retirar vertedoiros ilegais para converter a superficie nun espazo de uso lúdico. A única actuación deste proxecto contemplada fóra da Rede Natura levarase a cabo en Filgueira co arranxo do acceso ao centro social e do camiño que o comunica co polígono Lalín 2000. González Casares destacou o esforzo realizado polo Concello dentro do Plan Candán destinando recursos a seguir incrementando os servizos nunha zona de gran valor ambiental onde os veciños tamén deben contar coas condicións de habitabilidade adecuadas. Ler máis

Nota de Prensa O CONCELLO DE LALÍN ASINA O CONTRATO PARA A REDACCIÓN DO PROXECTO DE HUMANIZACIÓN E URBANIZACIÓN PARCIAL DA AVENIDA XOSÉ CUÍÑA

Unha vez asinado este contrato a redacción do documento deberá estar concluída nun prazo de dous meses. O principal obxectivo da proposta é transformar un treito da circunvalación nunha avenida funcional tanto para o vehículo como para os peóns, co conseguinte incremento da seguridade viaria e a mellora da accesibilidade e a mobilidade no ámbito de actuación. Ler máis

O CONCELLO CONVOCA A 4ª EDICIÓN DA DISTINCIÓN ALDEA SINGULAR QUE ABRE O PRAZO PARA PRESENTAR CANDIDATURAS O DÍA 22

O premio repite dotación económica, con 15.000 euros que serán entregados á parroquia gañadora e que deberán ser investidos en obras e outras actuacións que redunden no beneficio colectivo da veciñanza. Un ano máis, as candidaturas deberán presentar dúas memorias: unha descritiva relacionada cos criterios de valoración e outra explicativa do investimento a executar. Con esta iniciativa o Goberno municipal pon en valor o rural aproveitando o alcance da Feira do Cocido e promove o coidado e a conservación dos seus núcleos e espazos naturais. Ler máis

O CONCELLO INCORPORARÁ A MAIORÍA DAS PROPOSTAS FORMULADAS POLA VECIÑANZA NA REXENERACIÓN DE PRINCIPAL E LORIGA

As principais proposicións efectuadas polas persoas asistentes tiveron que ver con cuestións como a disposición dos carga e descarga, as prazas de estacionamento para persoas con discapacidade, o control dos accesos cando a rúa permaneza pechada, os colectores do lixo, a iluminación ou os sumidoiros. Ler máis

O GOBERNO PROPÓN AMPLIAR Á MAÑÁ DOS SÁBADOS A GRATUIDADE DO PARKING ALDEA GRANDE PARA SEGUIR MELLORANDO A MOBILIDADE E FAVORECENDO O COMERCIO LOCAL

A proposta do executivo contempla o estacionamento totalmente de balde na franxa horaria que vai entre as 10.00 e as 13.00 horas Dende decembro, os usuarios xa poden estacionar sen custe, de luns a venres, nese mesmo tramo horario pola mañá e entre as 17.00 e as 20.00 polas tardes. O Goberno salienta o éxito da medida aplicada dende decembro, que malia o estacionamento de balde permitiu incrementar a recadación do parking con respecto ao mesmo mes do ano anterior. A medida incide na liña de baixada de impostos impulsada polo Goberno este mandato e garante a cobertura dos intervalos diarios de maior intensidade circulatoria e maior actividade comercial. Ler máis

O CONCELLO DE LALÍN ADXUDICA A POSTA EN SERVIZO DO PROXECTO SMART CITY

A iniciativa será desenvolvida por Vodafone España por un importe de 223.257 euros,sendo esta a oferta mellor valorada dentro do concurso público de contratación. González Casares presentou a proposta acompañado de responsables da empresa e sinalou que se trata dun contrato “fundamental” para avanzar na modernización tecnolóxica de Lalín. A iniciativa inclúe a posta en marcha de sistemas de información dixitais, sistemas de control de estacionamento, redes wifi públicas e a activación dunha plataforma central de control. Ler máis

O CONCELLO ADXUDICA O CONTRATO PARA A REDACCIÓN DO PROXECTO QUE DEFINIRÁ O CINTO VERDE DE LALÍN

O documento será elaborado por Redondo Valladares y Rodríguez Arquitectos SLP por 28.350 euros. Casares lembrou que a actuación terá o Pontiñas como eixo principal e, utilizando camiños xa existentes, creará un nó de conexións peonís que enlazarán con puntos do entorno de Lalín e mellorarán a mobilidade urbana a pé. Alberto Redondo, de RVR Arquitectos, considera que unha das partes máis destacables do proxecto radica na posibilidade que ofrece de recuperar camiños tradicionais para darlles unha nova vida ao tempo que se conserva a súa esencia orixinal. Ler máis

O CONCELLO ADXUDICA O PROXECTO DE DEMOLICIÓN DO ANTIGO COLEXIO MANUEL RIVERO

A empresa Sergonsa Servicios S.L acometerá a actuación por un importe de 66.416,90 euros. González Casares lembrou que o montante total que se prevé destinar ao Plan de recuperación social do Manuel Rivero ascende a máis dun millón de euros. Permitirá desenvolver diferentes actuacións para poñer en valor e recuperar para a veciñanaza unha superficie abandonada de máis de 3.500 metros cadrados. Ler máis

O CONCELLO DE LALÍN COMPRA UNHA PARCELA EN MONEIXAS PARA DOTAR Á PARROQUIA DUNHA NOVA ZONA DE SERVIZOS PÚBLICOS

O alcalde, Rafael Cuíña, rubricou esta mañá ante notario a adquisición do terreo que era propiedade da igrexa. Francisco Vilariño destacou que con esta adquisición o Goberno municipal cumpre un compromiso adquirido coa veciñanza e que entre outras cousas permitirá que esta parroquia conte cunha nova superficie de utilidade completamente pública que poderá ser utilizada para diferentes fins. Trátase dun terreo de 865 metros cadrados e comprada por un importe de 14 mil euros que se financiarán con cargo aos remanentes do ano 2017. Ler máis

O CONCELLO CONVOCA REUNIÓNS SECTORIAIS PARA AVANZAR NA REDACCIÓN DO PMUS DE LALÍN

Terán lugar a próxima semana e enmárcanse dentro da parte participativa imprescindible na elaboración deste documento estratéxico. Ler máis