Noticias

O GOBERNO PROPÓN AMPLIAR Á MAÑÁ DOS SÁBADOS A GRATUIDADE DO PARKING ALDEA GRANDE PARA SEGUIR MELLORANDO A MOBILIDADE E FAVORECENDO O COMERCIO LOCAL

A proposta do executivo contempla o estacionamento totalmente de balde na franxa horaria que vai entre as 10.00 e as 13.00 horas Dende decembro, os usuarios xa poden estacionar sen custe, de luns a venres, nese mesmo tramo horario pola mañá e entre as 17.00 e as 20.00 polas tardes. O Goberno salienta o éxito da medida aplicada dende decembro, que malia o estacionamento de balde permitiu incrementar a recadación do parking con respecto ao mesmo mes do ano anterior. A medida incide na liña de baixada de impostos impulsada polo Goberno este mandato e garante a cobertura dos intervalos diarios de maior intensidade circulatoria e maior actividade comercial. Ler máis

ÁBRESE O PRAZO DE INSCRICIÓNS NA 9ª CARREIRA DO COCIDO, QUE SE CELEBRA O 17 DE FEBREIRO

Como novidade este ano ofrecerase un percorrido curto de 5 quilómetros en categoría absoluta. María Jesús Sánchez animou a todos os deportistas e afeccionados a anotarse “na mellor carreira popular do inverno en Galicia” e fixo fincapé na capacidade deste tipo de eventos deportivos para dinamizar a vila. Ler máis

O CONCELLO DE LALÍN ADXUDICA A POSTA EN SERVIZO DO PROXECTO SMART CITY

A iniciativa será desenvolvida por Vodafone España por un importe de 223.257 euros,sendo esta a oferta mellor valorada dentro do concurso público de contratación. González Casares presentou a proposta acompañado de responsables da empresa e sinalou que se trata dun contrato “fundamental” para avanzar na modernización tecnolóxica de Lalín. A iniciativa inclúe a posta en marcha de sistemas de información dixitais, sistemas de control de estacionamento, redes wifi públicas e a activación dunha plataforma central de control. Ler máis

LALÍN BOTA A ANDAR O PRÓXIMO VENRES O PROGRAMA DE ACTOS PROMOCIONAIS DA 51 FEIRA DO COCIDO QUE SE DESENVOLVERÁ NAS PRINCIPAIS PRAZAS DE ABASTOS DE GALICIA

As presentacións chegarán aos mercados de Pontevedra, Vilagarcía, Vigo, A Coruña, Lugo e Santiago de Compostela Incluirán sesións de cociña en directo por parte de chefs lalinenses e a degustación gratuíta de tapas baseadas no Cocido, que se acompañarán dunha ampla mostra de produtos de Lalín e de todo o material de promoción turística do Concello. Francisco Vilariño sinalou que este ano se optou por esta novidosa modalidade promocional en substitución do bus do cocido, por considerar que tras 3 anos de exitoso percorrido era hora de formular un cambio nas iniciativas de difusión da Feira para alcanzar de novo o máximo impacto. Estamos seguros -afirmou o concelleiro- de que esta proposta vai traer uns magníficos resultados, ao tempo que serve para poñer en valor o papel fundamental que xogan os mercados de abastos como exemplo de comercio de proximidade e de produto de calidade. Ler máis

O CONCELLO DE LALÍN REPARTE 70 MIL EUROS EN AXUDAS MUNICIPAIS ENTRE 25 CLUBS DEPORTIVOS

Santiago Castro fixo fincapé en que o Goberno segue apostando polo reforzo do deporte base e o proxecto social dos clubs. Ler máis

O CONCELLO DE LALÍN PECHARÁ LATERALMENTE A PISTA CUBERTA DO CENTRO HÍPICO DE MOURISCADE PARA EVITAR A ENTRADA DE AUGA E DAR RESPOSTA ÁS DEMANDAS DOS SEUS USUARIOS

Como explicou Francisco Vilariño, con esta actuación garántese que unha das pistas desta instalación esta sempre en condicións para poder impartir as actividades. O proxecto tamén inclúe a construción do denominado “gardabotas”, un elemento de protección que sirve para evitar que os cabalos se acerquen ao muro de formigón trabando contra o mesmo a perna dos xinetes. O Concello de Lalín conta cun orzamento de 28.680 euros para a execución desta intervención, que se realizará con cargo á liña 1 Plan de Concellos de Concellos da Deputación de Pontevedra. Ler máis

LALÍN INICIA O PRÓXIMO MARTES UN ILUSIONANTE MES DO COCIDO CUN TOTAL DE 42 EMPRESAS PARTICIPANTES ENTRE RESTAURANTES E ESTABLECEMENTOS GASTRONÓMICOS

Ofertanse máis de 3.500 prazas para comensais con prezos dos cocidos oscilan entre os 20 e os 45 euros, cunha media que se sitúa en 26. Os establecemento están suxeitos ao Selo de Calidade do Cocido, un elemento que garante os valores e a calidade deste prato, así como da agradable experiencia de degustar un Cocido. Francisco Vilariño agradeceu o interese dos colaboradores e puxo de relevo que o éxito do Mes do Cocido se sustenta na aposta dos establecementos por elevar o Cocido de Lalín ás súa máximas cotas de calidade e prestixio. Ler máis

O CONCELLO ADXUDICA O CONTRATO PARA A REDACCIÓN DO PROXECTO QUE DEFINIRÁ O CINTO VERDE DE LALÍN

O documento será elaborado por Redondo Valladares y Rodríguez Arquitectos SLP por 28.350 euros. Casares lembrou que a actuación terá o Pontiñas como eixo principal e, utilizando camiños xa existentes, creará un nó de conexións peonís que enlazarán con puntos do entorno de Lalín e mellorarán a mobilidade urbana a pé. Alberto Redondo, de RVR Arquitectos, considera que unha das partes máis destacables do proxecto radica na posibilidade que ofrece de recuperar camiños tradicionais para darlles unha nova vida ao tempo que se conserva a súa esencia orixinal. Ler máis

O CONCELLO INICIA O PROXECTO DE ACONDICIONAMENTO DA PARTE SUPERIOR DO PASEO DO PONTIÑAS

A intervención inclúe a mellora de sendeiros e de valados, a reposición do alumeado, ou a recuperación da fonte entre outras accións. Tamén se construirá un dique na lagoa do auditorio para evitar que a auga derrube a súa ladeira. Estes traballos fixeron necesario o baleirado da lagoa, que volverá encherse inmediatamente tras a súa finalización. Ler máis

O CONCELLO ADXUDICA O PROXECTO DE DEMOLICIÓN DO ANTIGO COLEXIO MANUEL RIVERO

A empresa Sergonsa Servicios S.L acometerá a actuación por un importe de 66.416,90 euros. González Casares lembrou que o montante total que se prevé destinar ao Plan de recuperación social do Manuel Rivero ascende a máis dun millón de euros. Permitirá desenvolver diferentes actuacións para poñer en valor e recuperar para a veciñanaza unha superficie abandonada de máis de 3.500 metros cadrados. Ler máis

Portal Transparencia

Roteiros de Lalín