Noticias

PARQUE INFANTIL DA CORREDOIRA E O MÓDULO DE PARKOUR DA PRAZA ALDEA GRANDE

Celia Alonso e González Casares supervisaron hoxe o avance destas actuacións que plasman o compromiso do Goberno municipal por incrementar os espazos para o ocio e desfrute saudable dos máis novos. A próxima semana tamén darán comezo as obras de mellora do parque da casa da xuventude que se levan a cabo cun investimento de 38 mil euros. Ler máis

O CONCELLO INFORMA A VECIÑOS E COMERCIANTES SOBRE OS CAMBIOS EN ALCALDE FERREIRO E BUSCA CONSENSUAR MELLORAS NO NOVO PROXECTO PARA A RENOVACIÓN DAS BEIRARRÚAS

O Goberno levará ao Pleno deste mes a modificación de crédito necesaria para a redacción externa do novo proxecto no que se introducirán importantes melloras coas que executar unha reforma integral desta rúa. Na reunión de onte púxose sobre a mesa a posibilidade de acometer a ampliación das beiravías e suprimir unha das marxes de estacionamento para facer desta rúa un espazo urbano máis atractivo e accesible. Francisco Vilariño agradeceu o ton colaborativo no que transcorreu a xuntanza e fixo fincapé en que “estamos ante unha boa oportunidade para deseñar un novo proxecto que será moi beneficioso para a cidadanía”. Ler máis

O CONCELLO TRASLADA O “SKATE PARK” Á PRAZA ALDEA GRANDE PARA FACILITAR O SEU USO POR PARTE DOS MOZOS E MOZAS

Casares e Celia Alonso sosteñen que a ubicación no centro da vila desta pista, xunto coa creación no mesmo punto dun módulo de parkour e as outras instalacións de xogo transformarán esta superficie nun punto de encontro e diversión saudable para os máis novos e daranlle vida á zona. A actuación vén de ser contratada a unha empresa lalinense por 1.573 euros, é constitúe unha mostra máis da aposta do Goberno municipal por dotar dun maior aproveitamento a un dos máis grandes espazos públicos do centro de Lalín, anteriormente infrautilizado. Ler máis

O CONCELLO ACOMETERÁ UN NOVO PROGRAMA DE MELLORAS EN ENTORNOS SERVIZOS E INFRAESTRUTURAS DE NÚCLEOS DA SERRA DO CANDÁN CON CARGO AO FONDO DE COMPENSACIÓN AMBIENTAL

Trátase dun novo proxecto que se levará a cabo no marco do denominado “Plan Candán”, destinándose nesta fase un total de 102.006,59 euros. Servirá para acondicionar camiños, mellorar a seguridade viaria nalgúns puntos, acometer drenaxes e mellorar sumidoiros, cubrir de xeito estético colectores do lixo e incluso retirar vertedoiros ilegais para converter a superficie nun espazo de uso lúdico. A única actuación deste proxecto contemplada fóra da Rede Natura levarase a cabo en Filgueira co arranxo do acceso ao centro social e do camiño que o comunica co polígono Lalín 2000. González Casares destacou o esforzo realizado polo Concello dentro do Plan Candán destinando recursos a seguir incrementando os servizos nunha zona de gran valor ambiental onde os veciños tamén deben contar coas condicións de habitabilidade adecuadas. Ler máis

Á VENDA AS ENTRADAS PARA PARTICIPAR NO COCIDO SOLIDARIO EN BENEFICIO DE CARABELO

Dispensaranse ata o día 18 no Concello, así como nas dependencias do Pazo de Bendoiro e na sede da Asociación de Empresarios do Deza (AED) Terán un prezo de 38 euros, dos que 5 irán asignados a modo de doazón solidaria. Ler máis

ROTEIROS DE LALÍN E O COCIDO ÚNENSE PARA OFRECERLLE AO VISITANTE UNHA EXPERIENCIA ÚNICA

Proponse elixir unha andaina entre a vintena que compoñen a oferta de Roteiros de Lalín e un dos restaurantes locais que ofrecen cocido para degustar o prato rei da gastronomía galega tras rematar a camiñata. Tamén se ofrece a oportunidade de acollerse á modalidade de rutas guiadas, que se poden solicitar a través do correo electrónico viariumdezae@gmail.com Un grupo de 50 persoas procedentes da Coruña realizarán o día 16 o Roteiro do Corpiño. Ler máis

O CONCELLO PRESENTA O LIBRO “OS BOLECHAS VAN Á FEIRA DO COCIDO DE LALÍN”

O volume permitirá difundir de maneira orixinal e divertida esta Festa de Interese Turístico Nacional e os atractivos de Lalín por toda Galicia a través das peripecias deste recoñecido e querido grupo de personaxes Rafael Cuíña e Lara Rodríguez presentaron este mediodía o libro ante máis de 250 alumnas e alumnos de Educación Infantil de diferentes colexios do municipio, os que se lles entregou cadanseu exemplare. O libr, que conta cunha tiraxe de 5.000 exemplares, distribuirase por colexios, bibliotecas e centros públicos de toda Galicia. Os volumes restantes tras a distribución poñeranse á venda en librerías de todo o país, con especial incidencia nas de lalín. Ler máis

A 51ª FEIRA DO COCIDO VOLVERÁ CONTAR NA VÉSPERA CON ESPECTÁCULO PIROTÉCNICO

A sesión superará incluso en calidade á do ano pasado, cunha duración duns 15 minutos e con 3.000 artefactos. Desenvolverase dende a praza da Vila coa finalidade de que poida ser presenciado polo maior número de persoas sen necesidade de desprazarse do casco urbano. A iniciativa xogará un papel fundamental na dinamización social e económica de Lalín nunha das noites máis especiais do ano. Ler máis

O ALCALDE ASINA O CONVENIO PARA A CELEBRACIÓN DO COCIDO SOLIDARIO EN BENEFICIO DE CARABELO

Os pases estarán á venda do día 4 ao 18 de febreiro, no Concello, no Pazo de Bendoiro e na sede da AED a un prezo de 38 euros dos que 5 se destinan a doazón solidaria. Este evento substitúe a anterior comida oficial e permite aproveitar a Feira do Cocido para recadar fondos con fins solidarios aos efectos de destinalos a distintas asociacións sen ánimo de lucro do municipio. Ler máis

O CONCELLO INICIA A PARTIR DO DÍA 11 DE FEBREIRO A PRIMEIRA CAMPAÑA DO ANO DE RECOLLIDA DE PLÁSTICOS DE SILO

Para levar a cabo este proceso, como é habitual, dividiuse o termo municipal en 3 grandes áreas nas que se realizarán as recollidas de residuos de xeito cronolóxico. Os plásticos non poden ser acopiados fóra das datas marcadas e deberán ser entregados limpos de herba e terra e non se poderán depositar garrafas nin rodas. O Concello reforzou este servizo de máxima importancia para os gandeiros. Ler máis

Portal Transparencia

Roteiros de Lalín