Noticias

O CONCELLO LEVARA A PLENO A VINDEIRA SEMANA A APROBACIÓN FINAL DA MP Nº 15 RELATIVA ÁS DISTANCIAS DAS GRANXAS

Finalizados os diferentes prazos de consulta, a consellería de Medio Ambiente e Ordenación do Territorio vén de informar favorablemente á modificación Esta iniciativa permitirá rebaixar o espazo entre as granxas de aves e de coellos e os núcleos de poboación rurais de 1.000 a 500 metros. A convocatoria dunha sesión plenaria urxente permitirá acurtar na medida do posible os prazos, co obxectivo de que as novas distancias poidan entrar nos plans agrarios de mellora do 2018. Nicolás González Casares, considera que, coa presente solución pactada, se consegue protexer o territorio e o medio ambiente e, ao mesmo tempo, promóvese o desenvolvemento gandeiro e do rural. Ler máis

LALÍN INCORPORA AOS 17 PRIMEIROS TRABALLADORES PARA A BRIGADA DE OBRAS CONTRATADOS ESTE ANO A TRAVÉS DO PLAN CONCELLOS DA DEPUTACIÓN

Desta maneira, refórzase de maneira importante a brigada de obras e dáse resposta ás necesidades operativas do Concello. Foron recibidos polo alcalde e o concelleiro de Emprego. O resto dos empregados, ata completar os 31 solicitados, empezarán a desenvolver as súas tarefas nas próximas semanas, unha vez conclúan os procesos selectivos. Os contratos -que se prolongarán ata final de ano- permitirán mellorar a prestación de servizos públicos no Concello. Tamén ofrecen unha oportunidade laboral a desempregados, co que se avanzará no obxectivo de reducir as cifras do paro do municipio. Ler máis

O DESVÁN MUNICIPAL DEMANDA DOACIÓNS PARA A TEMPADA DE VERÁN E PARA ATENDER OUTRAS NECESIDADES QUE NON SE ESTÁN CUBRINDO AO 100%

As persoas que desexen realizar achegas poden acudir os xoves do mes de abril, en horario matinal de 10.00 a 13.00 horas e vespertino de 16.00 a 18.00 horas, para entregalas no desván. Precísanse, especialmente, carriños e roupa de bebé, roupa de nenos, nenas e home, así como roupa de cama en xeral. Ler máis

A NOVA ÁREA DE ESTACIONAMENTO DE O REGUEIRIÑO OFRECERÁ 46 NOVAS PRAZAS DE APARCAMENTO GRATUÍTAS

Os espazos reservados para os vehículos organizaranse en 3 sectores delimitados para o estacionamento de turismos de xeito diagonal en batería, co obxectivo de conseguir o maior aproveitamento da superficie. O proxecto conta cun orzamento de 46 mil euros e o seu deseño adaptarase por completo a un entorno urbano como o Regueiriño. Esta nova superficie converterá a Lalín na vila da súa categoría con máis prazas de aparcamento de balde. Ler máis

O ARQUITECTO LUÍS FERNÁNDEZ SERÁ O ENCARGADO DE REDACTAR O PROXECTO PARA A REHABILITACIÓN DO CONXUNTO HISTÓRICO DE LALÍN DE ARRIBA

O documento técnico incluirá un amplo estudo histórico sobre a zona, así como aspectos relacionados coa participación da cidadanía na intervención. A actuación busca, segundo González Casares, “recuperar o sentido histórico deste punto, onde está a orixe de Lalín e que é, ademais, a entrada do Camiño de Inverno á vila”. Ler máis

O CONCELLO RECUPERA AS AXUDAS AO TRANSPORTE DE ESTUDANTES TRAS ASINARSE OS NOVOS CONVENIO

As persoas beneficiarias destas axudas poden pasar polo concello novamente a recoller os bonos, que funcionarán con total normalidade. González Casares puxo de relevo a dilixencia da concellería de Benestar para sacar adiante os novos acordos e recuperar unhas axudas da máxima importancia para os mozos e mozas lalinenses. Ler máis

O CONCELLO INICIA UN PROCESO DE INSPECCIÓN PARA DETECTAR IRREGULARIDADES EN EDIFICIOS SEN RAMATAR

González Casares sinala que esta medida busca garantir que se cumpran as condicións legais de seguridade, salubridade e ornato, evitando perigos para a cidadanía e loitando contra o deterioro urbanístico. Unha primeira revisión detectou un edificio na rúa dos Xazmíns que incumpre a normativa polo que o Concello iniciou a pertinente resolución de procedemento de orde de execución. Os propietarios do inmoble teñen un mes de prazo para realizar os traballos necesarios mediante os que dotar o edificio dos correspondentes requisitos legais. Ler máis

A OFICINA DE TURISMO REABRE PARA OFRECERLLES OS MELLORES SERVIZOS DE INFORMACIÓN AOS VISITANTES

Con esta medida Lalín convértese nun dos poucos municipios da súa categoría en contar con Oficina de Turismo propia activa nesta época do ano. Francisco Vilariño afirmou que “a celeridade para reabrir a instalación demostra novamente o interese do Goberno por fomentar o turismo como elemento dinamizador da economía e a sociedade locais”. Ler máis

O CONCELLO TRASLADARÁ A ESTATUA DE LAXEIRO ÁS RÚAS PEONÍS DENTRO DO PROXECTO DE HUMANIZACIÓN DE PRINCIPAL E LORIGA

O Goberno inicia os trámites para a contratación externa da redacción do proxecto da nova plataforma a nivel das beirrarúas, que permitirán crear un entorno urbano máis atractivo e accesible. A iniciativa permitirá substituír o actual deseño da calzada por unha plataforma ao mesmo nivel das beirarrúas. Está previsto que as obras se poidan iniciar no segundo semestre de 2018. Destinaranse a esta iniciativa 450 mil euros, dos que o 80 por cento se financiará con cargo aos fondos europeos DUSI. Ler máis

OS PRIMEIROS DATOS DO INE COMUNICAN QUE LALÍN REXISTRA A 1 DE XANEIRO DE 2018 UNHA CIFRA DE 20.101 HABITANTES

Estes datos provisorios xa melloran considerablemente o número de persoas empadroadas de xeito oficial en 2015 (20.005), en 2016 (20.044) e en 2017 (20.075). O alcalde agradeceulle a todo o pobo de Lalín os esforzos realizados para acadar estes resultados “esperanzadores”. Cuíña pon de relevo que os esforzos do Goberno a prol do empadroamento están conseguindo invertir a perda de empadroados a pesar dunha tendencia demográfica negativa a nivel xeral. Ler máis

Portal Transparencia

Roteiros de Lalín