Noticias

PRETO DE 150 PERSOAS OPTAN AOS 32 POSTOS DE TRABALLO QUE OFERTA LALÍN A TRAVÉS DO PLAN CONCELLOS

Os aspirantes foron convocados hoxe a diferentes reunións informativas, antes das probas de selección que se desenvolverán nas vindeiras semanas. O Goberno recolle a preocupación amosada nos últimos días por diferentes persoas que, malia cumprir cos requisitos para participar neste procedemento, non foron seleccionados polo SEPE, que é quen fai a escolla dos candidatos para cada un dos postos. O Goberno inviste nesta iniciativa 371 mil euros, que se van financiar con cargo á liña 3 do Plan Concellos. Ler máis

O CONCELLO DE LALÍN INICIARÁ O VINDEIRO MÉRCORES AS OBRAS DE ACONDICIONAMENTO, MELLORA E MODERNIZACIÓN DA PARTE SUPERIOR DA PRAZA DE ABASTOS

O alcalde e o concelleiro de Comercio, acompañados por representantes da empresa adxudicataria, mantiveron este mediodía unha reunión de coordinación cos vendedores do mercado. Durante o tempo que duren as obras, previstas para un mes como máximo, o Concello habilitará unha carpa no Campo da Feira para que os praceiros poidan manter a súa actividade. Farase coincidir o remate das obras coa apertura do supermercado para impulsar o papel da praza como motor fundamental do comercio local. Ler máis

O CONCELLO INICIA A DEMOLICIÓN DO ANTIGO COLEXIO MANUEL RIVERO NO MARCO DO PROXECTO DE REXENERACIÓN URBANA DESTE BARRIO

Nicolás González Casares, supervisou esta mañá o inicio das actuacións e informou de que estarán concluídas no prazo aproximado dun mes. Como primeiro paso estase a proceder á retirada selectiva de enseres e mobiliario, así como elementos de tabiquería, falsos teitos, escaleiras etc. O montante total que se prevé destinar ao Plan de recuperación social do Manuel Rivero ascende a máis dun millón de euros, o que permitirá desenvolver diferentes actuacións para poñer en valor unha superficie total de máis de 3.500 metros cadrados. Ler máis

O CONCELLO INVESTIRÁ PRETO DE 122 MIL EUROS NO AFIRMADO DO CAMIÑO DAS FORXAS, NA PARROQUIA DE MACEIRA

As actuacións financiaranse con cargo ao Plan de Mellora de Camiños de Titularidade Municipal (antigo Plan Marco) da Xunta de Galicia. Rafael Cuíña e Miguel Medela salientan que este proxecto permitirá avanzar no obxectivo mantido durante o mandato de dar resposta ás necesidades dos veciños do rural. O Concello tamén acometerá nos vindeiros meses, con cargo ao Plan Concellos da Deputación Provincial a pista que une Maceira co límite de Pedroso. Entre estes dous proxectos o Goberno municipal investirá máis de 220 mil euros en mellora da infraestrutura viaria nesta parroquia. Ler máis

O CONCELLO CEDE ESPAZOS PÚBLICOS PARA A PRÁCTICA DA ARTE URBANA DO GRAFITI

A iniciativa, tal e como explicou Nicolás González Casares, busca por un lado embelecer os entornos urbanos de zonas como a Praza Aldea Grande e, por outro, facilitarlle á mocidade que a practica o grafiti os espazos adecuados para as súas creacións. Ler máis

O XXI MES DO COCIDO FOI SEGUNDO OS RESTAURADORES “O MELLOR QUE SE LEMBRA”

Así se extrae das enquisas realizadas polo Concello entre os 25 establecementos participantes dos que 20 indicaron que este ano foi “o mellor”. Máis aló don Mes do Cocido, so restaurantes comezaron a servir Cocidos dende o outono e a maioría conta con reservas ata finais de abril e incluso para maio. Francisco Vilariño mostrouse moi satisfeito polos resultados “que son froito do excelente traballo do sector e da aposta do Goberno por seguir impulsando o cocido como un dos motores da economía e da sociedade de Lalín”. Ler máis

STREAMING 51 FEIRA DO COCIDO

http://feiradococido.lalin.gal/en-directo/

BROCHE DE OURO EN SANTIAGO DE COMPOSTELA AO PERCORRIDO PROMOCIONAL DA 51ª FEIRA DO COCIDO POLAS PRINCIPAIS PRAZAS DE ABASTOS DO PAÍS

O posto instalado no emblemático mercado compostelán estivo completamente ateigado pola presenza constante de santiagueses e turistas que non quixeron pasar a oportunidade de desfrutar do Cocido de Lalín na derradeira parada do itinerario promocional. O alcalde e o concelleiro de Turismo fixeron un balance moi positivo da iniciativa do Concello para difundir a 51ª Feira do Cocido e puxeron de relevo a enorme cantidade de cidadáns que ao longo do percorrido pasaron polo stand para degustar as tapas e para informarse sobre os actos e o evento gastronómico. Ler máis

O CONCELLO ABRE AO USO A ÁREA DE RECREO PARA CANS E O NOVO PARQUE INFANTIL DA CORREIDOIRA

O módulo de parkour incluido no mesmo proxecto de esparexemento poderá empregarse dende o próximo luns. Celia Alonso realizou onte unha visita ás instalacións e expresou a súa satisfacción por ter concluído un proxecto moi importante para Lalín que incrementa a oferta de espazos de ocio para mozos e nenos así como para que os donos de cans conten cun espazo de lecer para mascotas. En relación a esta infraestrutura Celia Alonso destacou que se trata dunha aposta por parte Concello para contribuír ao benestar animal. Ler máis

A PARROQUIA DE DOADE, ALDEA SINGULAR DO CONCELLO DE LALÍN 2019

O xurado valorou moi positivamente a súa conservación arquitectónica e, en especial, a súa intensa labor na recuperación do patrimonio histórico-cultural. Este galardón creouse para recoñecer a aquel núcleo rural que máis destaque polo coidado dos seus espazos, así como polo seu dinamismo social. A distinción será entregada dentro dos actos oficiais da LI Feira do Cocido. Os membros do xurado quixeron facer explícito o seu recoñecemento ao elevado nivel do conxunto das candidaturas presentadas. Ler máis

Portal Transparencia

Roteiros de Lalín