Noticias

A CONCELLERÍA DE RURAL ACTIVA UN PLAN ESPECIAL DE DESBROCES PARA O ACONDICIONAMENTO DE PRETO DE 50 QUILÓMETROS DE PISTAS EN VARIAS PARROQUIAS DE LALÍN

O Concello inviste preto de sete mil euros na contratación dun servizo que, nunha primeira fase, beneficiará a Zobra, Vilatuxe, Lebozán, Doade e Vilanova. Miguel Medela explica que esta iniciativa permitirá complementar a actividade ordinaria do Concello dando resposta de maneira máis eficaz e rápida ás demandas veciñais. O concelleiro apunta que o acondicionamento das beiravías permitirá incrementar a seguridade viaria, ao tempo que se manteñen as marxes das estradas limpas nunha época de alto risco de incendios. Ler máis

LALÍN SOLICITA QUE A XUNTA MELLORE AS CONEXIÓNS DE TRANSPORTE PÚBLICO ENTRE A ZONA RURAL E A URBANA

O Concello considera que a oferta actual non se axusta ás necesidades e a demanda real de servizos dos veciños. O tenente de alcalde acudiu esta semana a unha reunión convocada pola a Dirección Xeral de Mobilidade para reordenar servizos, subsanar carencias, optimizar os recursos dispoñibles e conxugar un mellor servizo aos cidadáns. Casares recordou tamén que a inclusión de Lalín no Plan de Transporte Metropolitano de Galicia é unha das principais reivindicacións do Concello Ler máis

LALÍN PROMOCIÓNASE COMO DESTINO ESTIVAL A TRAVÉS DUNHA CAMPAÑA TURÍSTICA PROTAGONIZADA POR UNHA ORIXINAL FOTOGRAFÍA EN POZO DO BOI

Na instantánea un mozo e unha moza espidos lánzanse ás augas da praia fluvial nunha escena extrovertida e espontánea que transmite o sosego e o encanto deste espazo de lecer. Francisco Vilariño explica que se trata dunha campaña “de impacto” que busca chegar ao maior número de persoas co obxectivo de que nos visiten e se xere riqueza no noso municipio. Terá difusión a través das redes sociais, así como en diferentes soportes en papel e en valados publicitarios. Ler máis

O CONCELLO CONTRATA A ASISTENCIA TÉCNICA PARA O DESEÑO DO PROXECTO DE APOIO PARA A COMERCIALIZACIÓN E INNOVACIÓN DO COMERCIO LOCAL

Resultou contratada a entidade Gestoría Fuentes Fernández S.L, por un importe total de 5.505,50 euros. A participación dun equipo de profesionais multidisciplinar e solvente é necesaria para realizar un diagnóstico para atender as necesidades desta liña e desenvolver o proxecto. A actuación centrarase en poñer en marcha accións de apoio ao comercio. Ler máis

COMEZA O XIV CURSO “NOVAS FRONTEIRAS NA IGUALDADE DE OPORTUNIDADES 2.0”

Esta edición desenvólvese baixo o epígrafe “xénero, violencias, coeducación e comunicación” e participan un total de 71 alumnos e alumnas matriculadas, ademais das persoas que asisten como ouvintes. Cuíña afirmou que esta actividade “é absolutamente fundamental aínda a estas alturas do século XXI, pois tristemente hoxe mesmo volvemos observar como a violencia machista segue asasinando”. Ler máis

ÁBRESE O PRAZO DE INSCRICIÓN PARA PARTICIPAR NO PROGRAMA DE CUALIFICACIÓN PROFESIONAL XUVENIL “MOCIDADE ACTIVA”

Trátase dunha iniciativa dirixida a 75 mozos e mozas do concello de Lalín de entre 16 e 29 anos, que ademais de formación inclúe prácticas profesionais en empresas Este proxecto desenvólvese grazas a unha subvención concedida ao Concello de Lalín polo Fondo Social Europeo por importe de 424.724,77 euros. O programa comprende os itinerarios de soldadura, atención socio sanitaria a persoas dependentes, servizos de restaurante, desenvolvemento de aplicacións web e xestión de maketing e comunicación. José Manuel Fernández resaltou o interese especial que acada o programa Mocidade Activa “xa que vai dirixido a mozos e mozas que son un dos colectivos sociais que máis están sufrindo o paro”. Ler máis

O OBRADOIRO DE EMPREGO REMATA AS OBRAS PARA VIVENDAS SOCIAIS NA PRIMEIRA PLANTA DAS ANTIGA CASA DO MANUEL RIVERO

O alcalde e o concelleiro de Emprego comprobaron esta semana o avance dunhas actuacións e salientaron o impresionante cambio que experimentou o inmoble dende o inicio das obras. O Obradoiro de Emprego beneficia a un total de 20 alumnas e alumnos, dos cales 12 se están formando en albanelería e 8 en carpintería. Ler máis

O CONCELLO DE LALÍN PON A DISPOSICIÓN DA VECIÑANZA E DE MANEIRA ÍNTEGRA O PROXECTO PARA A MELLORA DA PRAZA DE ABASTOS

Con esta medida calquera cidadán poderá consultar os seus detalles e valorar o alcance desta intervención para a mellora do mercado, que está valorada en máis de 86 mil euros. O concelleiro de Comercio solicitou autorización para facelo público ao colectivo de praceiros, que o encargaron e pagaron. Ler máis

O CONCELLO PROXECTA A HUMANIZACIÓN E MELLORA INTEGRAL DA RÚA CALVO GARRA

Vilariño explicou que a actuación resume a filosofía do Goberno “con respecto ao que ten que ser o hábitat dunha vila na que os cidadáns teñen que ser os protagonistas e non os coches”. Ler máis

ABERTO O PRAZO PARA SOLICITAR AS AXUDAS MUNICIPAIS COMPLEMENTARIAS AO ESTUDO

As persoas interesadas teñen 15 días naturais a partir de mañá para tramitar as demandas. O Concello de Lalín destina un total de 18.000 euros a estas prestacións, que servirán para conceder 225 bolsas por valor de 80 euros cada unha. Ler máis

Portal Transparencia

Roteiros de Lalín