Noticias

LALÍN SOLICITA QUE A XUNTA MELLORE AS CONEXIÓNS DE TRANSPORTE PÚBLICO ENTRE A ZONA RURAL E A URBANA

O Concello considera que a oferta actual non se axusta ás necesidades e a demanda real de servizos dos veciños. O tenente de alcalde acudiu esta semana a unha reunión convocada pola a Dirección Xeral de Mobilidade para reordenar servizos, subsanar carencias, optimizar os recursos dispoñibles e conxugar un mellor servizo aos cidadáns. Casares recordou tamén que a inclusión de Lalín no Plan de Transporte Metropolitano de Galicia é unha das principais reivindicacións do Concello Ler máis

ABERTO O PRAZO PARA SOLICITAR AS AXUDAS MUNICIPAIS COMPLEMENTARIAS AO ESTUDO

As persoas interesadas teñen 15 días naturais a partir de mañá para tramitar as demandas. O Concello de Lalín destina un total de 18.000 euros a estas prestacións, que servirán para conceder 225 bolsas por valor de 80 euros cada unha. Ler máis

COMEZAN AS PRIMEIRAS QUENDAS DA ESCOLA DE VERÁN E DO CAMPAMENTO URBANO

O concelleiro de Benestar Social compartiu esta mañá co alumnado o comezo da escola de verán. González Casares puxo de relevo o esforzo do Concello na programación estival xuvenil, que se puxo en marcha cos obxectivos de facilitar a conciliación da vida familiar e laboral e de garantir a atención aos menores. O titular de Benestar adiantou que proximamente se vai presentar un novo paquete de iniciativas dirixidas a menores e á mocidade, que completarán a programación municipal estival. Ler máis

OBRADOIRO DE VIDEOCRACIÓN DENTRO DO PROGRAMA DE PREVENCIÓN DAS ADICIÓNS “AQUELAR”

A actividade celebrarse os días 3 e 4 de xullo para mozos e mozas de 14 a 30 anos. As persoas interesadas deben inscribirse previamente enviando un correo electrónico á dirección tania.tumbeiro@lalin.gal. Ler máis

COMEZA O PROCESO DE SELECCIÓN DAS 20 PERSOAS RECEPTORAS DA RISGA QUE CONTRATARÁ O CONCELLO A PARTIR DO 1 DE XULLO

Casares e Fernández destacaron a relevancia deste programa como nova oportunidade para persoas desempregadas, que ao mesmo tempo servirá para cubrir importantes necesidades operativas do Concello. Ler máis

COMPLÉTANSE AS PRAZAS DA ESCOLA DE VERÁN E SEGUEN ABERTAS AS INSCRICIÓNS PARA OS CAMPAMENTOS URBANOS DO MES DE AGOSTO

Xa se poden realizar inscricións para o campamento no mar que se desenvolverá en dúas quendas durante o mes de agosto con 60 prazas, das que 20 son de balde. Ler máis

O CONCELLO SEGUIRÁ INCREMENTANDO AS CIFRAS RÉCORD DE AXUDAS A ENTIDADES SOCIAIS DE LALÍN CON 16 MIL EUROS MÁIS

Nicolás González Casares anuncia que este mes se levará a Pleno unha modificación de crédito por esa cantidade Un total de 7.800 euros sumaranse aos 15 mil xa habilitados este ano para entidades sen ánimo de lucro que desenvolvan programas e actividades destinados a persoas e colectivos que se atopen en situación de desvantaxe. Os 8.200 euros restantes destinaranse a concretar a colaboración con APALC para a adquisición dun vehículo adaptado. En 3 anos, entre estas e outras prestacións, o Goberno vai dedicar xa máis de 100 mil euros a axudas a entidades sociais. González Casares explica que estes datos e as medidas postas en marcha a favor da integración “reafirman a aposta e o compromiso deste Goberno cos servizos sociais”. Ler máis

FINALIZAN OS CURSOS FORMATIVOS DO CONCELLO DE LALÍN PARA FAVORECER A EMPREGABILIDADE DAS PERSOAS EN RISCO DE EXCLUSIÓN SOCIAL

Un grupo de participantes no curso de cooperativismo presentaron onte o seu proxecto de cooperativa relacionada co sector gastronómico que pretenden facer realidade. Ao longo desta semana tamén puxeron punto e final os cursos de alfabetización, riscos laborais, agricultura e gandaría, e obtención do permiso de circulación. González Casares destacou o éxito no eido da empregabilidade alcanzado por este programa formativo financiado cunha subvención de 19.844,50 euros da Consellería de Política Social. Ler máis

Nota de Prensa O CONCELLO INICIA ESTA SEMANA A DISTRIBUCIÓN DAS ENQUISAS ÁS FAMILIAS DO PLAN CONCILIA LALÍN

As consultas permitirán coñecer os intereses das familias con menores no ámbito da conciliación para poñer en marcha servizos que dean resposta ás súas necesidades e intereses reais. González Casares sinala que a enquisa ten lugar dentro do compromiso pola participación establecido en todos os apartados estratexia Lalín Ssuma 21. O tenente de alcalde puxo de relevo o esforzo do Goberno en materia de conciliación a través de medidas como o reforzo dos campamentos e as múltiples iniciativas incluídas nesta estratexia financiada con fondos europeos. Ler máis

O CONCELLO OFERTA ESTE ANO 284 PRAZAS PARA OS CAMPAMENTOS E A ESCOLA DE VERÁN, CUN MÍNIMO DE 91 GRATUÍTAS, E CUN INVESTIMENTO DE MÁIS DE 45 MIL EUROS

Por primeira vez resérvanse prazas adaptadas nos campamentos urbanos para participantes con necesidades especiais. O concelleiro de Benestar Social resalta o gran esforzo adaptado ás necesidades de Lalín mantendo as tres modalidades para o verán. Nicolás González Casares salienta que a Escola de Verán, que cumpre o seu cuarto ano, incrementará o seu horario e se consolida como un referente da política social do Goberno. As familias interesadas poderán realizar as preincripcións a partir do luns na casa consistorial. Ler máis