Noticias

OS SERVIZOS SOCIAIS REPARTIRON MÁIS DE 20 MIL QUILOGRAMOS DE ALIMENTOS ENTRE 252 UNIDADES FAMILIARES

O reparto forma parte do programa de axuda alimentaria a persoas desfavorecidas da Comunidade Europea. Os lotes elaboráronse en función do número de membros de cada familia e distribuíronse entre aquelas persoas incluídas en distintos programas de inserción social. Ler máis

O CENTRO SOCIAL DOS MAIORES ACOLLE O DÍA 28 UNHA CHARLA SOBRE A PREVENCIÓN DE ESTAFAS E TIMOS DIRIXIDA Á TERCEIRA IDADE

Terá lugar a partir das 19.00 horas e será impartida polo sarxento da Garda Civil, Luis López Dapena. Ler máis

BENESTAR SOCIAL CONTRATARÁ UNHA EDUCADORA SOCIAL PARA DAR CONTINUIDADE AO PROGRAMA DE PREVENCIÓN DAS ADICIÓNS

O Consello Municipal de Benestar Social coincide na necesidade de seguir realizando accións de prevención e loita contra as adicións. No segundo semestre deste ano activarase un programa completo que contempla actividades para familias, mocidade ou comunidade educativa. Ler máis

O PROXECTO DE ORZAMENTOS CONTEMPLA UN AUMENTO DO 36,5% NA CANTIDADE ASIGNADA AO SERVIZO DE AXUDA NO FOGAR EN 2017

O compromiso orzamentario do Concello é de 638.000 euros, fronte aos 467.090 propostos inicialmente en 2016. González Casares fai fincapé no gran esforzo económico realizado por parte do Goberno local para afrontar un servizo imprescindible para moitos veciños e veciñas de Lalín. Ler máis

O CONSELLO DE BENESTAR SOCIAL IMPULSARÁ NOVAS MEDIDAS QUE MELLOREN A ATENCIÓN SOCIAL EN LALÍN

Valoráronse -entre outras actuacións- a posta en marcha dunhas xornadas da discapacidade ou a activación dun programa de axuda ás familias con novos casos de alzheimer. González Casares destacou o “enorme aproveitamento” que tivo a reunión mantida o pasado luns, “na que se trataron temas de moito interese sobre a atención social en Lalín”. Ler máis

OS SERVIZOS SOCIAIS DO CONCELLO DE LALÍN INCREMENTARON EN MÁIS DUN 106 POR CENTO A SÚA ACTIVIDADE NO 2016

O número total de intervencións realizadas polo departamento en 2016 foi de 3.248, que son 1.677 máis que o ano anterior. As intervencións por número de usuarios individuais subiron máis dun 110 por cento. Os cambios postos en marcha na xestión dende a entrada do Goberno redundaron nunha notable mellora na documentación da actividade deste servizo municipal. Nicolás González Casares salienta o “importante esforzo” das traballadoras e traballadores sociais do Concello e do resto de persoal do departamento. Ler máis

O CONCELLO DE LALÍN DESTINA 15 MIL EUROS A SUBVENCIONAR A ENTIDADES SEN ÁNIMO DE LUCRO NO EIDO DOS SERVIZOS SOCIAIS

As axudas permitirán desenvolver programas e actividades que beneficien a persoas e colectivos que se atopen en situación de desvantaxe. Este ano as asociacións poderán solicitar o adianto de ata o 80% da cantidade total a recibir e será subvencionable ata o 100% dos gastos de persoal. Ler máis

O CONCELLO ANIMA ÁS FAMILIAS LALINENSES A PARTICIPAR NO PROGRAMA DE ACOLLIDA DE REFUXIADOS SAHARAUÍS “VACACIÓNS EN PAZ”

O prazo para formalizar o compromiso de acollida remata o próximo o 16 de marzo e as persoas interesadas poden solicitar información no departamento de Servizos Sociais ou no teléfono 986262637. Na súa estancia os nenos teñen a oportunidade de realizar revisións médicas, melloran con creces a súa alimentación e coñecen outra cultural, ademais de evitar as altas temperaturas do verán no deserto. Ler máis

O CONCELLO ADQUIRE MATERIAL PARA INICIAR A PARTE FORMATIVA DO PROGRAMA “LALÍN CARDIOPROTEXIDO”

Mercáronse 8 maniquíes de adultos, 4 de lactantes e 2 desfibriladores de adestramento por un custe de 2.900 euros. O primeiro curso que se vai realizar terá lugar os días 23 e 24 de xaneiro e irá dirixido a persoal dos servizos deportivos municipais e membros de clubs deportivos do concello. Ler máis

UN TOTAL DE DEZ ENTIDADES E ASOCIACIÓNS COLABORAN XA NA CAMPAÑA “NINGÚN NENO E NENA SEN XOGUETE”

A Escola de Fútbol Lalín sumouse a unha proposta na que tamén participan a AED, os IES Laxeiro e Aller Ulloa, os centros comerciais Eroski e Pontiñas, as residencias Geriatros e Nosa Señora das Dores, Alimentación Nela e a Asociación de Alcohólicos Anónimos. A campaña ten o obxectivo de entregar un agasallo por Nadal aos menores de familias en risco de exclusión social e, ao mesmo tempo, fomentar a solidariedade. O desván municipal funciona como un dos puntos de entrega directa de xoguetes, roupa e outro útiles. Ler máis

Roteiros de Lalín