Sede Electrónica Concello de Lalín
Plan de Acción para o Comercio e a Hostalería
Percorridos Virtuais
O Castro Tecnolóxico
Turismo de Lalín

Descubre a súa vida interior

VER MÁIS

Lalín en Imaxes

Unha vila aberta para disfrutar

VER MÁIS

Radio Lalín

Escóitanos no 106.8 FM

ESCOITAR RADIO LALIN

Corporación

Benestar

A Concellería de Benestar Social  está ubicada na segunda planta do Concello de Lalín. Praza de Galicia, 1. Lalín.

O seu horario de atención o público é de luns a vernes, de 8:00 a 15:00 horas. Teléfono 986780014.

Noticias

O CONCELLO DE LALÍN INICIA UN CICLO DE CURSOS FORMATIVOS PARA FAVORECER A INCLUSIÓN SOCIAL E LABORAL DE COLECTIVOS EN RISCO DE EXCLUSIÓN

O Concello de Lalín recibiu da Consellería de Política Social unha subvención por importe de 19.844,50 € para a realización de programas dirixidos á inclusión social da poboación inmigrante. Na mañá de hoxe comezou o curso de autoemprego e cooperativismo impartido pola experta, Raquel Doallo e, pola tarde, o de adquisición de habilidades lingüísticas. Ler máis

CASARES ANUNCIA UNHA COLABORACIÓN RÉCORD COA APALC PARA SEGUIR FOMENTANDO O BENESTAR E A SAÚDE DAS PERSOAS MAIORES

Mantivo unha reunión coa directiva da entidade na que se pechou a colaboración do Concello para a adquisición dun vehículo de transporte adaptado. Ademais, o Concello realiza unha achega de 5 mil euros para o desenvolvemento de programas sobre alimentación e alzheimer. O colectivo tamén se beneficiará das axudas municipais a entidades sociais para as que está aberto o prazo de solicitude. O concelleiro fixo fincapé en que o Goberno local se atopa en cifras récord de colaboración no ámbito dos servizos sociais, un dos piares primordiais da actuación municipal. Ler máis

PRIMEIRA REUNIÓN DE TRABALLO COAS ANPAS E ASOCIACIÓNS DO PLAN CONCILIA LALÍN

Serviu para avaliar, principalmente as necesidades, problemas e preocupacións máis importantes no eido da conciliación aos que se enfrontan os menores lalinenses da zona rural e do casco urbano. Ler máis

PERMANECE ABERTO ATA O XOVES O PRAZO PARA ANOTARSE NA VIAXE DE IRMANDAMENTO PARA MAIORES A ESCALDES-ENGORDANY

As solicitudes poden presentarse a través do rexistro do Concello de Lalín, ou a través da sede electrónica. Hai 30 prazas dispoñibles e a súa adxudicación realizarase por sorteo no caso de existira maior demanda que oferta. A viaxe celebrarase entre o 10 e o 14 de maio. Ler máis

O GOBERNO APROBA AS AXUDAS A ENTIDADES SOCIAIS ÁS QUE SE DESTINAN POR TERCEIRO ANO UN TOTAL DE 15 MIL EUROS

As achegas permitirán desenvolver programas e actividades que beneficien a persoas e colectivos que se atopen en situación de desvantaxe. Ler máis

O CONCELLO ACTIVA O PROCESO PARA A POSTA EN MARCHA DE SERVIZOS DE CONCILIACIÓN ADAPTADOS ÁS NECESIDADES REAIS DA CIDADANÍA

Para o seu deseño contarase coa participación dos diferentes actores implicados e crearase unha mesa de traballo que permita identificar as necesidades de nais e pais e coordinar actividades e horarios. A empresa Retnova será a encargada de desenvolver a asistencia técnica para a posta en marcha do Plan Concilia Lalín, dentro da estratexia DUSI, Lalín SSUMA21. O Concello destinará á activación deste plan de marcado carácter social 217.500 euros dos 5 millóns dos fondos europeos FEDER concedidos a Lalín pola estratexia DUSI. “A posta en marcha deste programa xurde da necesidade de fomentar en Lalín a conciliación e de ordenar as actividades extraescolares, así como aportar outras máis novidosas”, explicou González Casares. Ler máis

O CONCELLO ASINA O CONVENIO CON SOGAPS PARA O DESENVOLVEMENTO DO PROGRAMA VACACIÓNS EN PAZ

O acordo comprende unha axuda de 1.500 euros para financiar os custes da viaxe dos nenos e nenas acollidos por familias lalinenses. Ler máis

ÁBRESE O PRAZO PARA SOLICITAR UNHA PRAZA NA VIAXE DE IRMANDAMENTO PARA MAIORES A ESCALDES-ENGORDANY

Hai un total de 30 postos dispoñibles e as solicitudes deberán presentarse no Rexistro Xeral do Concello de Lalín ou na sede electrónica con data límite o día 26 de abril. A adxudicación realizarase por sorteo no caso de que o número de persoas solicitantes supero o número de prazas ofertada. Ler máis

PERMANECE ABERTO O PRAZO PARA INSCRIBIRSE NO PROGRAMA DE TERMALISMO DEPOTERMAL

O período habilitado para tramitar as inscricións finaliza o día 18 de abril. Ler máis

O DESVÁN MUNICIPAL DEMANDA DOACIÓNS PARA A TEMPADA DE VERÁN E PARA ATENDER OUTRAS NECESIDADES QUE NON SE ESTÁN CUBRINDO AO 100%

As persoas que desexen realizar achegas poden acudir os xoves do mes de abril, en horario matinal de 10.00 a 13.00 horas e vespertino de 16.00 a 18.00 horas, para entregalas no desván. Precísanse, especialmente, carriños e roupa de bebé, roupa de nenos, nenas e home, así como roupa de cama en xeral. Ler máis